Në muajin e madhërueshëm të Ramazanit, myslimanët e privojnë veten nga ‘kënaqësitë’ ditore si konsumimi i ushqimit, pijeve dhe kryerja e marrëdhënieve seksuale gjatë ditës.
Ndonëse agjërimi ka shumë rregulla strikte, ekziston një dilemë e cila i preokupon gratë myslimane të cilat agjërojnë se; a duhet vendosur makijazhi kur janë duke agjëruar?
Ndonëse myslimanët thonë se këtë gjë më së miri e din Allahu, konsensusi i përgjithshëm është se nëse nuk konsumohet apo nuk futet në fyt, bën të përdoret.
Ekspert i çështjeve islame ka zgjedhur këtë dilemë, ndërsa ka bërë të ditur se gjitha preparatet që vendosen në pjesën e jashtme të trupit, qoftë nëse absorbohen përmes lëkurës apo jo nuk e prishin agjërimin, përveç nëse gëlltiten nga personi.
“Të gjitha preparatet që vendosen në pjesën e jashtme të trupit, qoftë nëse absorbohen përmes lëkurës apo jo, nuk e prishin agjërimin përveç nëse gëlltiten nga personi”, thotë Shaykh Muhammad Saalih-al-Munajiid.
Gjithashtu, ai ka bërë të ditur se e njëjta gjë aplikohet edhe te sapunët dhe kremrat që përdoren për ta zbukuruar fytyrën dhe që aplikohen në sipërfaqen e lëkurës – ngjashëm me makijazhin.
